हामी सबैकाे संसारन्यूज

२५ भदौ, काठमाण्डौं । पशुपतिमा चुहावट भएको भन्दै सांसद सुजाता शाक्यले संसदको ध्यानाकर्षण गराएकी छन् ।

शाक्यले बुधबारको प्रतिनिधिसभा बैठकको शून्य समयमा आफ्ना भनाई राख्दै अन्तराष्ट्रिय सम्बन्ध समिति अन्तर्गत विश्व सम्पदा सूचिकृत सांस्कृतिक क्षेत्रहरुको अध्ययन गर्ने क्रममा पशुपतिबाट संवेदनशील चुहावटको कुरा आइरहेको भन्दै सांसद साक्यले संसद्को ध्यानाकर्षण गराएकी हुन् ।

उनले यस्ता खालका संवेदनशील ठाउँहरु जो नेपालीको आस्था र श्रद्धाको धरोहर पशुपति रहेको भन्दै उनले भनिन्‘ भक्तजनहरुले चढाएको भेटीघाटीहरु अपारदर्शी हुने, त्यतिमात्र नभएर त्यहाँबाट पास भएर अन्तै जाने तथा जुन कोषमा जाने त्यो नजाने भएकोले त्यस्ता ठाउँमा एकद्धार प्रणाली गरेर भक्तजन भट्ट लगायतको सबैको निगरानी रहोस् पारदर्शी रहोस् भन्ने उद्धेश्यले आउने जाने क्रममा स्क्यानिङ गर्न जरुरी हुन्छ ।’