हामी सबैकाे संसारन्यूज

२५ भदौ, काठमाण्डौं । नेपाल कम्युनिष्ट पार्टी ( नेकपा) को बुधबार बसेको बैठकले स्थानीयतहको उपनिर्वाचनका लागि विभिन्न प्रक्रिया पूरा गर्ने निर्णय गरेको छ ।

प्रधानमन्त्री निवास बालुवाटारमा बुधबार बसेको बैठकले एकिकरणका बाँकी रहेका कामहरु टुंग्याउने भनिए पनि आजको बैठक विशेष गरेर स्थानीय निकायको उपनिर्वाचनमा केन्द्रीत रहेको थियो ।

प्रधानमन्त्री तथा नेकपाका अध्यक्ष केपी शर्मा ओली सिंगापुरमा उपचार गरेर फर्केपछि पहिलोपटक बसेको बुधबारको सचिवालय बैठकले स्थानीय निकायको उपनिर्वाचनका लागि पुन : दल दर्ता गर्नुपर्ने संबैधानिक र कानुनी व्यवस्था तथा त्यसलाई आधारित बनाएर निर्वाचन आयोगले गरेको सूचनाको आधारमा यहि महिनाभित्र दल दर्ताकाका सम्पूर्ण प्रक्रिया पूरा गरेर जाने निर्णय भएको पार्टीका प्रवक्ता नारायणकाजी श्रेष्ठले बताए ।

प्रवक्ता श्रेष्ठले सम्पूर्ण प्रक्रिया पूरा गरेर त्यसलाई फत्ते गर्ने कामको जिम्मेवारी महासचिव विष्णु पोडेललाई दिइएको बताए ।

त्यस्तै सांगाठानिक एकिकरण सम्बन्धी विषयका बारेमा छिट्टै अर्को बैठक आयोजना गरेर निर्णय लिइने पनि पवक्ता श्रेष्ठले बताए ।