हामी सबैकाे संसारन्यूज

१२ मंसिर, इटहरी । नेकपा (माओवादी केन्द्र) निकट मगर मुक्तिमोर्चा नेपाल, सुनसरीको जिल्ला एकता भेला  शनिबार इटहरीमा सम्पन्न गरिएको छ । भेलाले नयाँ नेतृत्वसमेत चयन गरेको छ ।

भेलामा नेकपा (माओवादी केन्द्र)का केन्द्रीय सल्लाहकार एवम् मगर राष्ट्रिय मुक्तिमोर्चाका प्रदेश नं १ का इन्चार्ज अभिमन्यु मगरले मगर समुदायले नेपालको हरेक राजनीतिक परिवर्तनको आन्दोलन र जनयुद्धमा समेत ठूलो योगदान पु¥याएको कुरामा जोड दिनुभयो ।

तर राज्यले मगरहरूले गरेको त्यागअनुसार उचित स्थान दिन भने कन्जुस्यार्इं गर्दै आएकामा चित्त दुखाइ रहँदै आएका उहाँले बताउनुभयो ।

सोही अवसरमा मगर नेता फणीन्द्र मगरले माओवादी जनयुद्धमा तीन हजारभन्दा बढी मगरहरूले सहादत प्राप्त गरेको तथ्याङ्क रहेको भएपनि देश शान्ति प्रक्रियामा आएपछि मगर समुदायले पु¥याएको योगदानको भने कदर हुन नसकेको गुनासो गर्नुभयो ।

मीन मगरको अध्यक्षतामा भएको मगर एकता भेलामा रविकुमार पुलामी मगर, तेज रानामगर, मणि रानामगरलगायतले मगरहरूप्रति राजनीतिक दलहरूले प्रयोगको नीतिअनुसार प्रयोग गर्ने तर राज्यले मगर समुदायलाई समानरुपमा सहभागिता गराउने विषयमा भने खासै चासो नराख्ने गरेको गुनासो गर्नुभयो ।