हामी सबैकाे संसारन्यूज

३० भदौ, काठमाडौँ । सि.वि.आई.एल क्यापिटल को अध्यक्षमा पारस कुमार काफ्ले नियुक्त भएका छन् ।

सिटिजन्स बैंक ईन्टरनेशनलको तर्फबाट मनोनित भई कार्यभार समालिरहेका अध्यक्ष समिर प्रसाद दाहालले पदबाट राजिनामा दिएपछि संस्थाको अध्यक्ष पदपुर्ति गर्न आइतबार बसेको सञ्चालक समितिको बैठकले यस संस्थाको अध्यक्षमा काफ्लेलाई नियुक्त गरेको हो ।

सि.वि.आई. एलले नेपाल धितोपत्रबोर्डबाट धितोपत्र निष्काशन तथा विक्रि प्रबन्धक, धितोपत्र प्रत्याभूतिकर्ता (अण्डर राइटर) शेयर रजिष्ट्रार तथा लगानीव्यवस्थापन (पोर्टफोलियो म्यानेजमेन्ट) को कामगर्दै आइरहेको बताइएको छ ।

साथै डि–म्याट खाताखोल्ने, शेयरहरु अभौतिकीकरण गर्ने, सामुहिक लगानीकोषको प्रर्वद्धन गर्ने जस्ता लगानीकर्ताहरुसँग प्रत्यक्ष सरोकारका कामहरु गर्न अनुमति प्राप्त भएको सि.वि.आई.एल. क्यापिटल सिटिजन्स बैंकको सहायक कम्पनी रहेको र यो कम्पनीमा कर्मचारी संचयकोष, नागरीक लगानी कोष तथा प्रतिष्ठित उद्योगीव्यापारीहरुको सह–लगानी रहेको पनि विज्ञप्तीमा जनाइएको छ ।