हामी सबैकाे संसारन्यूज

५ असोज, काठमाडौँ । सामाजिक सन्जाल फेसबुकमा वरिष्ठ पत्रकार तथा विश्व प्रेष काउन्सीलका महासचिव किशोर श्रेष्ठको स्टाटस आयो । त्यसमा लेखीएको थियो वामदेव गौतम कास्कीबाट निर्वाचन नलड्ने ।

किशोर दाइको स्टाटस आफैँमा स्पष्ट पारीरहनु नपर्ने समाचार भएपनि पत्रकारीताको धर्म अनुसार मैले कमरेड गौतमको नजिकका अन्य श्रोतसँग पनि विषयको स्पष्टता बुझे । विगतमा वामदेवले बल नगरेकै वेस लगायतका आर्टीकल लेख्दा पाएका विविध प्रतिक्रिया र कमरेड गौतमको पछिल्लो निर्णय मेरा लागि फेरी अर्को विषयमा लेख्ने मसला अवश्य थिए ।

मेरो पछिल्लो प्रयास र किशोर दाइको स्टाटसले सच्चाइको मेल खाएपछि मैले कमरेड गौतमलाई पनि फोन गरे । विगतमा फोन उठाउन खासै अप्ठ्यारो नमान्ने वामदेव कमरेडले आज भने यतिवेला सम्म मेरो फोन उठाएनन् । तर कमरेडको पछिल्लो निर्णयले भने गौतम माथी आसा गरेर बसेको ठूलो जनसमूह, पार्टीका कार्यकर्ता र सुभेक्षुकमा राम्रै र सकारात्मक तरङ्ग ल्याइदिएको छ । यसले फेरि वामदेव गौतम पदलोलुप नेता होइनन्, त्याग र समर्पणका खानी पनि हुन भन्ने प्रष्ट पारेको छ ।

वामदेवको बल

वामदेव गौतमले फेसवुक स्टाटसबाटै आफू उमेदवार नहुने प्रष्ट पारेपछि गौतमको फोन नउठ्नु सँग पनि अब अलमलीइरहनु परेन । ०४८ र ०५१ मा वर्दियाबाट निर्वाचन जितेर पार्टीको उपाध्यक्ष र उपप्रधान मन्त्री जस्तो गरीमामय पदमा गौतम पुगीसकेका छन् । अबको गौतमको मीसन देशको प्रधानमन्त्री र पार्टीको अध्यक्षनै हो । आफ्ना समवयी सबै यो पोजीसनमा पुगीसकेका कारण गौतममा छिटो ति पद प्राप्त गर्ने अभीलासा हुनु स्वभावीक हो ।

तर हतारको निर्णय कति पस्चगामी हुँदो रहेछ भन्ने विगतमा पार्टीको विभाजन बाट भोगी सकेका गौतमलाई पछिल्लो निर्णयले साँच्चै उचाइ दिएको छ । यसकारण अब वामदेवले कास्की निर्वाचन क्षेत्र सहित देशै भरी निर्वाचन हुने ३९ वटै स्थानमा पुगेर पार्टीलाई जीताउने प्रयत्न गर्नु श्रेयस्कर हुनेछ । निर्वाचनका विविध आयामका बारेमा असाध्यै मिहिन तरीकाले बुझेका गौतमलाई आसन्न उपनिर्वाचन को कमाउन्डर बनाएर पार्टीले देश दौडाहामा पठाए आगामी उप निर्वाचन पार्टीका लागि फलदायी हुन सक्छ ।

शुभकामना
पछिल्ला केहि पेशागत संस्थाको चुनावमा पाएको पराजयलाई उत्तर दिने गरी कार्यकर्ता परिचालन आगामी निर्वाचनको अपरीहार्य आवश्यकता हो । यसका लागि वामदेव जत्तिको कावील नेता अरु सायदै होलान् । यसकारण यस निर्वाचनमा पार्टीका उमेदवारलाई जीताउन गौतम आजैबाट लागुन, शुभकामना छ ।

यदि अहिले आसन्न निर्वाचनमा पार्टीका उमेदवार जीताउने प्रयत्नको नेतृत्व वामदेवले लिए पार्टीको आसन्न महाधीवेसन गौतमका पक्षमा हुनेमा कुनै शंका छैन । यसकारण आगामी मार्ग प्रसस्तीका लागि समेत गौतमको देश दौडमा आवश्यक छ ।