हामी सबैकाे संसारन्यूज

८, असोज, काठमाडौँ । यातायात व्यवस्था कार्यालय, जगाती, भक्तपुरका शाखा अधिकृत अनोज कुमार घिमिरे सहित अन्य ४ जना माथि मुद्दा दायर गरिएको छ ।

यातायात व्यवस्था कार्यालय भक्तपुरका कर्मचारीहरूले नक्कली भारतीय सवारी चालक अनुमतिपत्र घुस लेनदेन गरी नेपालीकरण गरेको भन्ने उजुरीका आधारमा अख्तियार दुरुपयोग अनुसन्धान आयोगको टोलीले निज शाखा अधिकृत घिमिरे सहित अन्य ४ जनालाई नियन्त्रणमा लिएको थियो ।

अनुसन्धानको क्रममा निजहरुले नक्कली भारतीय सवारीचालक अनुमतिपत्र नेपाली करणको लागि पेश गरेको निवेदन अनुसार उक्त नक्कली भारतीय सवारी चालक अनुमति पत्रलाई गलत ढंगले नेपालीकरण गरी गलत लिखत तयार गर्ने कसुर गरेको प्रमाणित हुन आएकोले निजहरुलाई भ्रष्टाचार निवारण ऐन बमोजिम सजाय हुन मागदावी लिइएको अख्तियारले जनाएको छ ।