Sansar News
१६ मङ्सिर,काठमाडौँ । संस्कृति, पर्यटन तथा नागरिक उड्डयनमन्त्री जीवनबहादुर शाहीले पर्यटन मन्त्रालयलाई भ्रष्टाचारमुक्त बनाएर छाड्ने प्रतिबद्धता व्यक्त गर्नुभएको छ ।
नवनियुक्त राज्यमन्त्री इन्द्र बानियाँलाई बुधबार मन्त्रालयमा स्वागत गर्दै उहाँले विगतको नीति र शैलीलाई बदलेर अगाडि बढ्न कर्मचारीहरुलाई सुझाव दिनुभयो ।
मन्त्री शाहीले भन्नुभयो, “लोभ र लालचबाट टाढै रहनुपर्छ । पर्यटन क्षेत्रको विकास, सांस्कृतिक सम्पदाको संरक्षण र वायुसेवा निगमलाई बजारमुखी एवम् प्रतिस्पर्धी बनाउनुपर्छ ।” रासस
वि.सं.२०७३ मंसिर १६ बिहीवार ०३:०४ मा प्रकाशित
