हामी सबैकाे संसारन्यूज

आदरणीय पाठकबृन्दले “एमालेको “नौ स” बाउरामको अघिल्लो “पाँच–ज” र नयाँ शक्तिको पछिल्लो “पाँच स” अनि अभियन्ताहरूको “अष्ट ज” त सुन्नु भएकै हो । जल, जमिन, जंगल, जडिबुटी, जलवायू, जनावर, जराजुरी र जनशक्ति लगायत अष्ट ज को पहिचान, संरक्षण, सम्बद्र्धन, उत्पादन र प्रभावकारी वितरणको एजेण्डा उठाउँदै दरबारदेखि किसानको खेतिबारी चहारिरहेको अष्ट ज अभियान अघि बढेकै बेला मन्त्रीकै मुखबाट फेरि नयाँ फर्मूला जन्मेको छ पाठकबृन्द ।

६ “ब” को प्रसङ्ग यस्तो व्यक्तिले यस्तो ठाउँमा ल्याउनु भएको छ, पाठकबृन्द । तपाईहरूलाई अचम्म लागेपनि साह्रै अचम्म मान्न चाहि पर्दैन । भोजपुर समाजको तेस्रो बार्षिक साधारणसभामा हुम्लाका माननीय र प्रचण्ड सरकारको पर्यटनमन्त्रीज्यूको सम्बोधनमा यो नयाँ कुरा आएको हो, पाठकबृन्द । हुम्लाबाट क्याबिनेट मन्त्री बनेर ‘पाउर’ देखाउने र विचार बाँड्ने अवसर प्रयोग गर्दै मन्त्री शाहीको मुखारबिन्दुबाट आयो “बाटो, विचार, बिजुली, बन, बजार र व्यवस्थापन ।”

मिलेर आयो की आएन त्यो आफ्नो ठाउँमा छ, तर चिन्तन त देखियो नी पाठकबृन्द । प्रचण्डका सपना पु¥याउन देउवाका प्रतिनिधि मन्त्री दिलैदेखि लागेको भन्न पनि त मिल्यो नी, पाठकबृन्द, होइन र ?