Sansar News
२७ कार्तिक, काठमाडौँ । अमेरिका लैजान्छु भनेर अफ्रिकाको मालावीमा बन्धक बनाइएका ६ जना नेपालीको उद्धार भएको छ ।
उनीहरुलाई भियतनाम, इथियोपिया, मडागास्कर, जोर्डन, दुबई र अजरबैजान हुँदै अफ्रिकाको मालावीमा लगेर बन्धक बनाइएको प्रहरीले जनाएको छ ।
उनीहरुलाई तस्करी गरी त्यहाँ बन्धक बनाएको अभियोगमा मालावीको अपराध अनुसन्धान विभाग(सीआईडी) को टोलीले भारतीय नागरिक नाजिर अहमदलाई पक्राउ गरेको छ ।
अहमदलाई पक्राउ गरेर त्यहाँको प्रहरीले ६ नेपाली नागरिकको उद्धार गरेको हो । नेपालको मानव बेचबिखन अनुसन्धान ब्युरोको समन्वयमा मालावी प्रहरीले चलाएको अपरेसनका क्रममा पर्वतका ४, दाङ र रुकुमका १÷ १ जना गरी ६ जनाको उद्धार गरिएको हो । बुधबारको अन्नपूर्ण पोस्ट्बाट
वि.सं.२०७६ कात्तिक २७ बुधवार ०८:१० मा प्रकाशित
