हामी सबैकाे संसारन्यूज

३० कात्तिक, मुगु । कर्णाली प्रदेशकै उत्कृष्ट पर्यटकिय गन्त्ब्य मुगुको रारामा आन्तरिक पर्यटकको चाप निकै बृद्धि हुन थालेपछि त्यसलाई मध्येनजर गरेर एक कम्पनीले सुबिधा सम्पन्न पर्यटकिय रिर्सोट बनाउन सुरु गरेको हो ।

रारा भिलेज रिर्सोट प्रालीले छाया“नाथ रारा नगरपालिको सल्लेरी र मुर्माकोटमा गरि दुई स्थानमा सुबिधा सम्पन्न रिर्सोट बनाउन लागेका हो । मध्यवर्ती क्षेत्र भित्र पर्ने उक्त स्थान रारा राष्टिय निकुञ्जको अनुमति लिएर कम्पनीले रिर्सोट बनाउन थालेको छ ।

राराको टुरिज बिकासको निम्ति २० करोड लगानीमा तीन वटा रिर्सोट बनाउन सुरु गरिएको प्रालीका कार्यकारी अध्यक्ष अनुपबिक्रम शाहले बताए । सल्लेरीमा रिर्सोट निर्माण कार्य सुरु गरि सकिएको उहा“को भनाई छ ।

भ्रमण बर्ष २०२० लाई लक्षित गरि सल्लेरीमा आगामी चैत भित्र रिर्सोट सम्पन्न गर्ने र त्यसपछि मुर्माकोटमा काम सुरु गरिने शाहले जानकारी गराए ।

गोर्खा इको प्यानल बाट बाताबरणमैत्री सुबिधायुक्त ४० वटा रुम भएको रिर्सोट निर्माण गरिने भएको छ । हिमाली जिल्ला मुगु जस्तो जाडो हुन ठाउ“मा गर्मी चिसो र जाडोमा तातो बनाउन गोर्खा इको प्यानलद्धारा रिर्सोट बनाउन लागिएको प्रालीले संस्थापक सदस्य बिर्ख रोकायाको भनार्ई छ

एक रिर्सोटमा १ सय पर्यटक अटाउने लक्ष्य राखिएको छ रिर्सोटमा शौचालय, बाथरुम, बगैचा, खेलमैदान र तातो चिसो पानी तथा बिद्युत इन्टरनेटको समेत ब्याबस्था गरिने भएको छ  ।

रिर्सोटमा तीन तह बिभाजन गरिएको छ । आन्तरिक तथा बाहय पर्यटकको लागि एक भवन र रारा घुम्न जाने भिआइपी बस्नको लागि छुट्टै बेडरुम बाम रुम भएको कोठा निर्माण गरिने भएको छ ।

स्थानीय करिव ४५ जना युवालाई तालिम दिएर रिर्सोटले काममा लगाउने भएको छ । एक रिर्सोटमा १५ जना युवाले रोजगारी पाउने लक्ष्य राखिएको छ ।

निकुञ्ज संरक्षण अधिकृत लालबहादुर भण्डारीले भने होटल अभावले घुम्न आएका पर्यटकबाट गुनासो खेप्नु परेको अबस्थामा रिर्सोटले बनेपछि केही सहज हुनेछ ।

रिर्सोटले मौसम अनुकुल प्यारागलाइडिङ साइकिलिङ दौड म्याराधुन दौड जस्ता खेल समेत आयोजना गरि पर्यटकलाई रोमञ्ज दिने भएको छ । रिर्सोट भित्रै बैठक कुनै कार्यक्रमको निम्ति करिव ३ सयजना अट्ने सभाहल निर्माण गरिने त्यसको वारिपारि कर्णालीको कलासा“स्कृति झल्किने बिभिन्न तस्वीर राखिने भएको छ ।

रारा भिलेज रिर्सोटले स्थानीयको बा“झो जग्गा भाडा लिएर आलु, सिमी, फापर, हरियो तरकारी समेत उत्पादन गर्ने उद्येश्य राखेको कार्यकारी अध्यक्ष शाहको भनाई छ ।

रिर्सोट संचालनमा आए रोजागार पाउने स्थानीय उत्पादन सिमि, आलु, फापर, रातो चामल, कुखुरा, अण्डा, खसी, हरियो तरकारी स्याउ बिक्री गरेर आयश्रोत बृद्धि गर्ने स्थानीयको भनाई छ ।

हाल रारामा डा“फे गेष्ट हाउस, भिलेज हेरिटेज होटल र माझघट्ट होमस्टे गरि पर्यटक बस्न लायक तीन वटा मात्र होटल संचालनमा रहदा पर्यटकलाई बस्न समस्या हुने गरेको छ ।