हामी सबैकाे संसारन्यूज

१० मसिंर, काठमाडौँ । प्रधानमन्त्री केपी शर्मा ओली फेरि अस्पताल भर्ना भएका छन् । केही साता अघि मात्रै अस्पतालमा भर्ना भएर स्वास्थ्यलाभ गरी फर्किएका प्रधानमन्त्री मंगलबार पुन : अस्पताल भर्ना भएका हुन् ।

परीक्षणका क्रममा  प्रधानमन्त्रीलाई एपेन्डिसाइटिस देखिएपछि अस्पतालले उनको अपरेसनको तयारी भइरहेको बताइएको छ ।

महाराजगञ्जस्थित त्रिवि शिक्षण अस्पतालको मनमोहन कार्डियो भास्कुलर सेन्टरमा नियमित स्वास्थ्य परीक्षणका लागि मङ्गलबार बिहान गएका प्रधानमन्त्री ओलीलाई चिकित्सकहरुले भर्ना हुन सुझाव दिएपछि भर्ना गरिएको हो ।

लामो समयदेखि मिर्गौलाको रोगसँग जुधिरहेका प्रधानमन्त्री ओलीको, मिर्गौला अर्को प्रत्यारोपण गर्ने कि, डाइलासिसमै रहने भन्नेमा चिकित्सकहरुले छलफल गरिरहेका छन् । पछिल्लो समय प्रधानमन्त्री ओलीले ग्राण्डी अस्पतालमा मिर्गौलाको डाइलासिस गराउँदै आएका थिए । यद्यपी प्रधानमन्त्रीको मिर्गौला प्रत्यारोपणका लागि विदेश जाने कुरा समेत चलिरहेको छ ।