हामी सबैकाे संसारन्यूज

१३ मसिंर, काठमाडौँ । जंगलमा फिरन्ते जीवन बिताउँदै आएका राउटे समुदायका स्पष्ट तीन मान्यता छन्– लेखपढ नगर्ने, , एक ठाउँमा नबस्ने र खेतीपाती नगर्ने ।

वर्षैँदेखि यही मान्यतालाई आत्मसात् गर्दै आएको राउटे समुदाय अहिले परिवर्तन उन्मुख छ । राउटे समुदायका बालबालिका पुर्खाको मान्यताविपरीत लेखपढ गर्न थालेका छन् ।

दैलेखको गुराँस गाउँपालिकामा रहेको यो समुदायका बालबालिका बस्तीदेखि टाढा गएर अक्षर चिन्न थालेका छन् । ‘मुखियाले पढेको थाहा पाए गाली गर्छन,’ १२ वर्षीय खम्मागाडे शाहीले भने, ‘त्यसैले बस्तीदेखि टाढा गएर लुकीलुकी अक्षर चिन्न थालेका छौं । ’ घुमन्ते राउटे समुदायका बालबालिकाका लागि सामाजिक सेवा केन्द्रले  (सोसेक) ले जोडी शिक्षक राखेको छ । राउटे बालबालिका तिनै जोडी शिक्षक सँग गएर अक्षर चिन्न थालेका छन् । शुक्रबारको नागरिक दैनिकबाट