हामी सबैकाे संसारन्यूज

१२ मंसिर, काठमाण्डौं । कुनै बेला देशको राष्ट्रिय दैनिकमा अर्को देशका राजालाई पुत्र लाभ भएको समाचार पनि प्रमुख रुपमा छापिन्थे भन्दा तपाईलाई अचम्म लाग्ला तर त्यतिबेला त्यस्तै समाचारहरु छापिन्थे ।

आजभन्दा १०० वर्ष अगाडि (१९७२ साल) जेठ ३२ गते प्रकाशित भएको देशकै पहिलो समाचारपत्र गोरखापत्र दैनिकमा मध्यभारत पन्नाका राजालाई पुत्ररत्न प्राप्त भएको समाचार प्रमुखताका साथ छापिएको थियो ।

जसमा त्यतिबेला प्रयोग हुने भाषामा लेखिएको थियो ‘हालमा मध्यभारत–पन्नाका महाराजलाइ एक पुत्ररत्न पैदा भये, महाराजा पन्नालाई करीब ५० वर्षका अवस्थामा आफ्ना उत्तराधिकारी (पुत्ररत्न) भयेका हुनाले यस–बखत् पन्ना राज्यमा प्रजाहरु समेत् हर्षानन्दमा परेकाछन् ः परमेश्वरले गरुन–राजकुमारले दिर्घायु हवोस ः’