हामी सबैकाे संसारन्यूज

१३ मंसिर काठमाडौं । इज्रयाली दुतावास र खेतान समुहद्वारा संचालित अवसर फाउण्डेसनले संयुक्त रुपमा आयोजना गरेको पहिलो कृषितारा अवार्ड २०७६ सुर्खेतका यूवा किषान दिपेन्द्र कार्कीले प्राप्त गरेका छन । बिहिबार राजधानीमा इज्रयाली दुतावासले आयोजना गरेको एक कार्यक्रमका बिच कृषि तथा पशुपंक्षि विकास मन्त्रालयका सचिव डा. युवकध्वज जिसिले उक्त पुरस्कार तथा प्रमाण पत्र प्रदान गरेका हुन । पुरस्कार राशि नगद पांच लाख रहेको छ ।

इज्रयालमा कृषि तालिम सकेर फर्किएपछि व्यवसायीक कृषिकर्ममा लागेका यूवाहरु मध्येबाट कार्की उत्कृष्ट भएका हुन । पहिलो चरणमा देशै भरिबाट छनौटमा परेका १० यूवा कृषकहरुमध्येबाट कार्की उत्कृष्ट घोसित भएका थिए ।

सन २०१५ मा कृषि तलिममा इज्रयाल गएका कार्की सुरुका तीन महिना तरकारी र बाँकि नौं महिना गाईपालनमा लागेका थिए । त्यहाँबाट फर्किए पछि उनले आफ्नै गाउँ सुर्खेतको विरेन्द्रनगर वाड नं ९ मा गाई पालन र अग्र्यानिक तरकारी खेती गरिरहेको बताए । यो पुरस्कारले कृषिमा निरन्तर लागि रहन थप हौसला मिलेको बताएका थिए ।

सन २०१३ बाट इज्रयाल सरकारले बर्षेनी यूवाहरुलाई कृषि तालिमको लागि लैजाने गरेकोछ । अहिले सम्म करिब २७ सय यूवा सो कार्यक्रम पुरा गरेर फर्किएको र ५४० अहिले पनि तालिमको क्रममा रहेको इज्रयाल दुताबासले जनाएकोछ ।

कार्यक्रममा इज्रयाली राजदुत बेन्नी ओमार, इज्रयालका लागि नेपाली राजदुत डा. अञ्जान शाक्य, साना किसान बिकास लघुबित्त बित्तिय संस्थाका प्रमुख कार्यकारी अधिकृत डा. शिबराम प्रसाद कोईराला लगायतको उपस्थिति रहेको थियो ।

उक्त कार्यक्रममा निर्णायक मण्डलको नेतृत्व गर्दै कृषि बिज्ञ डा. विष्णु चापागाईले निर्णय राजदुत ओमारलाई हस्तान्तरण गरेका थिए ।।