हामी सबैकाे संसारन्यूज

१५ मसिंर, काठमाडौँ । सरकारले भोगधिकारका लागि दिएको २० हजार रोपनीभन्दा बढी जग्गा पहँचवालाको कब्जामा पुगेको छ ।

विभिन्न निकाय, संघसस्थाले भोगाधिकारमा लिएको सरकारी जग्गालाई कार्यनीतिअनुसार लिजमा परिणत गरेका छैनन् । सरकारी जग्गा दर्ता तथा लिजमा उपलब्ध गराउने कार्यनीति, २०७१ विपरीत २० हजार रोपनीभन्दा बढी जग्गा सत्ता र शक्तिको पहुँचमा रहेका व्यक्ति , संस्था र निकायको कब्जामा रहेको फेला परेको हो ।

प्रधानमन्त्री तथा मन्त्रिपरिषद् कार्यालयका एक उच्च अधिकारीका अनुसार भोगाधिकारमा सरकारी जग्गा प्राप्त गर्नेहरु पहँचवाला छन् ।

सरकारी जग्गा भोगाधिकारका नाममा पहुँचवालाले हत्याएको र त्यस्तो जग्गा दुरुपयोग हुँदासमेत सरकारले कानुनबमोजिम फिर्ता ल्याउन नसकेको ती अधिकारीले बताए । आइतबारको नागरिक दैनिकबाट