हामी सबैकाे संसारन्यूज

१५ मसिंर, काठमाडौैँ । सरकारले सन् २०३० सम्ममा जनस्वास्थ्य समस्याका रुपमा रहेको एचआइभी एड्स लाग्नेहरुको सङख्या शुन्यमा झार्ने लक्ष्य लिए पनि कार्यक्रम प्रभावकारी तरिकाले अघि बढ्न नसकेको देखिएको छ ।

राष्ट्रिय एड्स तथा यौनरोग नियन्त्रण केन्द्रले एचआईभी संक्रमण हुने व्यक्तिहरुको सङख्या घट्दै गएपनि कार्यक्रम लक्ष्यअनुसार प्रभावकारी तरिकाले अघि बढ्न नसकेको हो ।

स्वास्थ्य सेवा विभागअन्तर्गत राष्ट्रिय एड्स तथा यौनरोग नियन्त्रण केन्द्रको तथ्यांकअनुसार २९ हजार ९ सय ४४ जनामा एचआईभी संक्रमण भएको अनुमान गरिएको छ ।

जसअन्तर्गत पुरुषको सङख्या १७ हजार ७ सय ३२ र महिलाको सङख्या १२ हजार २ सय १२ जना रहेका छन् । एचआईभी एड्स कार्यक्रम सञ्चालनका लागि ५४ करोड ६९ लाख बजेट विनियोजन गरिएको छ । आइतबारको राजधानी दैनिकबाट