हामी सबैकाे संसारन्यूज

१६ मंसिर, काठमाडौँ । कास्की क्षेत्र नम्बर–२ को प्रतिनिधिसभा सदस्यमा नेपाली काँग्रेसका तर्फबाट उम्मेदवार रहि पराजित बनेका खेमराज पौडेलले विजयी बनेकी सत्तारुढ दलकी उम्मेदवार विद्या भट्टराईलाई बधाई दिएका छन् ।

प्रतिस्पर्धामा आफ्नो पराजय पछि पौडेलले विद्यालाई दिएको बधाई तथा शुभकामना सामाजिक सञ्जालमा धेरै शेयर भएका छन् । हारेपछि प्रतिस्पर्धीलाई खुइल्याउने र लान्छाना लगाउने नेपाली राजनीतिमा पौडेलको भद्र र सालिन अभिव्यक्तिको सबैले सरहाना गरेका हुन् ।
उनले टिव्ट गर्दै विद्यालाई बधाई दिँदै राम्रो काम गर्न शुभकामना दिएका छन् ।
उनले लेखेका छन् :

सम्झिदिनु एक निष्ठावान मान्छे चुनाव हारेर पनि हाँस्दै गयो, जुन प्रक्रियाका लागि अर्पित थियोे मेरो जीवन।

म ईमानदार रहनेछु कास्कीको म प्रत्येक मत, अनि देशविदेशका हरेकको मायाप्रति। राजनीति जितें, मत जितिनँ तर सायद मन जितें कि जस्तो लाग्छ।

विजयी नानीलाई हृदयले बधाई-राम्रो गर्नु।

— Khemraj Paudel (@nckhemrajpaudel) December 1, 2019

शनिबार भएको निर्वाचनमा नेकपाकी उम्मेदवार विद्या भट्टराई अधिकारी नेपाली काँग्रेसका उम्मेदवार खेमराज पौडेललाई पछि पार्दै विजयी भएकी छिन्। नेतृ भट्टराईले २४ हजार ३ सय ९४ मत प्राप्त गरी विजयी भएकी छन् भने नेपाली कांग्रेसका उम्मेदवार खेमराज पौडेलले १५ हजार ९९१ मत प्राप्त गरेका छन्।