Sansar News
१७ मङ्सिर, काठमाडौँ । ट्राफिक प्रहरी पोष्ट महेन्द्रनगर धनुषामा कार्यरत प्रहरी सहायक निरीक्षक नबिनकुमार झा घुस सहित पक्राउ परेका छन् ।
धनुषामा कार्यरत प्रहरी सहायक निरीक्षक झाले ट्रिपरको सम्पूर्ण कागजात हुँदा हुँदै पनि बिभिन्न बहाना बनाई सेवाग्राहीसँग घुस माग गरिरहेको र नदिएमा ट्रिपर चल्न नदिने भन्ने सूचना एवं उजुरीको आधारमा अख्तियार दुरुपयोग अनुसन्धान आयोगको टोलीले सेवाग्राहीबाट रु १ हजार घुस लिइसकेको अवस्थामा पक्राउ गरेको हो ।
पक्राउ परेका निज झा माथि थप अनुसन्धान भइरहेको अख्तियारले जनाएको छ ।
वि.सं.२०७६ मंसिर १७ मंगलवार ११:०३ मा प्रकाशित
