हामी सबैकाे संसारन्यूज

१६ मंसिर, लन्डन । मिस वल्र्ड प्रतियोगिताको तयारीका लागि लन्डनमा रहेकी अनुष्का श्रेष्ठले नेपाललाई विश्वमा चिनाउने कार्यमा सक्रिय भएर लागेकी छन् ।

मिस नेपाल अनुष्का श्रेष्ठ अहिले मिस वल्ड प्रतियोगिताको लागि लन्डनमा छन् । जसमा नेपाल सगरमाथाको देश,बुद्ध जन्मेको देश भनेर विश्वभरीका सुन्दरीलाई चिनाउने कार्यमा अहोरात्र खटिरहेकी छन् । साथै अनुष्काले भिजीट नेपालको लागि १ सय २५ देशलाई निम्त्याउँदै छन् ।
मिस वल्डमा सहभागि अनुष्काले भिजीट नेपालको लागि विश्वभरीबाट सहभागिहरुलाई निमन्त्रणा गर्दै नेपाल भ्रमणमा बोलाएको बताइएको छ ।

नेपाल सरकारले भिजीट नेपाल २०२० मनाउन लागिरहेको बेला लन्डनमा रहेकीे अनुष्काले विश्वभरिका सबैलाई निमन्त्रणा दिने क्रम जारी राखेको बताइएको छ । मिस वल्ड नेपालको फेसबुकमार्फत अनुष्काले लाईभ गर्दै विश्वभरिबाट सहभागि सुन्दरीहरुलाई भिजीट नेपालको लागि आग्रह समेत गरेकी हुन् ।

अनुष्काले प्रचारका क्रममा नेपालको झन्डा राखिएको भिजीट नेपालको पर्चालगायतका सामग्री समेत बाँडिरहेकी छन् । साथै अनुष्काले विश्वभरिका सुन्दरीलाई नेपाल चिनाउँदै नेपाललाई कहिल्यै बिर्सन नसक्ने गरि चिनो प्रदान गरेको समेत बताइएको छ ।

यही डिसेम्बर १४ तारिखमा हुन गइरहेको मिस वल्ड प्रतियोगिताको लागि विश्वभरीबाट करिव १ सय २५ देशको सहभागिता रहेको छ । मिस वल्र्डमा सहभागि अनुष्का यतिखेर मिस वल्डको आन्तरिक गृहकार्यमा ब्यस्त छन् । अनुष्काले सबैमा सहयोगको लागि आग्रह समेत गरेकी छन् । यसपटक मिस वल्र्डमा नेपालको बलियो उपस्थिति हुने देखिएको छ ।