हामी सबैकाे संसारन्यूज

१८ मंसिर, काठमाण्डौं । नेपाल कम्युनिष्ट पार्टी (नेकपा) की स्थायी समिति सदस्य तथा प्रदेश ३ की इन्चार्ज अष्टलक्ष्मी शाक्यले सचिवालयका ९ जनाले ‘जे पनि गर्न पाइने’ छुट नभएको बताएकी छन् ।

राजधानीबाट प्रकाशित बुधबार साप्ताहिकसँगको अन्तरवार्तामा नेतृ शाक्यले उक्त कुरा बताउँदै सरकारमा बस्नेहरुले मनोमानी गरेको र उनीहरुलाई पार्टी नचाहिएको समेत बताएकी छन् ।

नेतृ शाक्यले राजनैतिक नियुक्तिहरु गर्दा सरकारले पार्टीसँग सल्लाह नलिएको समेत बताएकी छन् । पार्टीलाई पहिलो प्राथमिकतामा राख्ने काम नभएको भन्दै सरकार मनपरीतर्फ उद्धृत रहेको समेत उनले भनेकी छन् ।

पार्टीको ३ नम्बर कमिटीको इन्चार्जका हैसियतले प्रदेश सरकारमा संलग्न मुख्यमन्त्री र मन्त्रीहरुलाई दिइएको सुझाव कार्यान्वयनमा नल्याइएको पनि उनले बोलेकी छन् । पछिल्लो उपनिर्वाचनको परिणामबाट निराश नहुनुपर्ने भन्दै उनले पार्टीभित्र विधि, नीति र पद्धति संस्थागत गर्न माग समेत गरेकी छन् ।

सरकारको लोकप्रियता, पार्टी संगठनको निश्क्रियता, सचिवालय भन्दा तलको बैठक बस्न नसकेको परिस्थिति, मन्त्रिमण्डलमा महिला सहभागीता र प्रदेश राजधानी लगायतका विषयमा उनले आफ्नो धारण राखेकी हुन् ।