हामी सबैकाे संसारन्यूज

१८ मंसिर, काठमाण्डौं । ६० जनाको ठूलो टिम सहित चीन भ्रमणको तयारीमा रहेका नेपाल कम्युनिष्ट पार्टी (नेकपा) कार्यकारी अध्यक्ष पुष्पकमल दाहाल, ‘प्रचण्ड’ को चीन भ्रमण तत्कालका लागि स्थगीत भएपछि नानाथरीका अनुमानहरु सार्वजनिक भएका छन् ।

चीन र प्रचण्डविचको सम्बन्ध बुझ्न नसक्नेहरुले ‘चीनकै तर्फबाट परिस्थिति त्यस्तो बनाइएको’ भनेर टिप्पणी गरेका छन् भने कतिपयले चीन भ्रमणको ऐजेण्डा किटानी र तयारी नपुगेको बताइरहेका छन् । नेकपाकै अध्यक्ष तथा प्रधानमन्त्री केपी शर्मा ओली एवं विदेश विभाग प्रमुख वरिष्ठ नेता माधव कुमार नेपालसँग विषयवस्तु बारे राम्रो छलफल हुन नपाएकोले रोकिएको समेत प्रचार गरिएका छन् ।

नेकपा अध्यक्ष प्रचण्डको निकट एक नेता भन्छन्–‘यि दुवै कुरा सहि होइनन, अध्यक्ष भ्रमणमा जाने कुरा पहिलेदेखि तयारी भएको हो, ऐजेण्डाहरु प्रष्टै छन् । दुई पार्टी बिच भएका यसअघिका समझदारी अनुसार भ्रमणको तयारी भएको हो ।’अध्यक्ष प्रचण्डको ‘कमरेडली आत्मीयता’ कै कारण भ्रमण रोकिएको मात्र हो, ओली कमरेड र माधव कमरेडसँग पहिले नै प्रयाप्त छलफल भै सकेको हो ।

प्रचण्ड निकट सुत्रले सो बताइरहँदा केहि समाचार माध्यमहरुले भने यसलाई नकरात्माक समाचार बनाएर संप्रेषण गरेका छन् । ओलीको स्वास्थ्य स्थिति ‘क्रिटीकल’ बताएर प्रचण्डले अपरिपक्वता देखाएको विश्लेषण पनि गरिरहेका छन् । प्रचण्ड निकट शुत्र भन्छ ‘खुराफातीहरुको पुरानो रोग देखिएको मात्र हो ।’