हामी सबैकाे संसारन्यूज

१९ मंसिर, काठमाडौँ । ग्लोबल आइएमई बैंक लिमिटेड र जनता बैंक लिमिटेडले शुक्रबारदेखि एकीकृत कारोबार गर्दैछन् ।

ग्लोबल आइएमई बैंक लिमिटेडको नामबाट कारोबार गरिन लागिएको यी दुई बैंकको एकीकृत कारोबारको समुद्घाटन अर्थमन्त्री डा. युवराज खतिवडाबाट हुने कार्यक्रम रहेको छ ।

उद्घाटन कार्यक्रम मंसिर २० गते शुक्रबार बिहान ८.३० बजे ग्लोबल आईएमईको कर्पोरेट कार्यालय कमलादी, काठमाडौमा हुने जनाइएको छ ।

संयुक्त कारोबार सुरु गर्नका लागि आज मङ्सिर १९ गते बिहिबार देखि नै जनता र ग्लोबल आईएमई बैंकको सम्पूर्ण बैंकिंङ सेवा बन्द भएको छ । एकिकृत कारोबार गर्न लागेका यी दुुई बैकले डाटा माईग्रेसन प्रयोजनको लागि दुवै बैंकको सेवा प्रभावित भएको हो ।

एकीकृत भएसँगै यसअघि जनता बैंकमा खाता रहेका ग्राहकको खाता नम्बर परिवर्तन हुने भएकोले ग्लोबल आइएमईको जुनसुकै शाखामा गएर नयाँ खाता लिन बैंकले आग्रह गरेको छ ।

यद्यपी एकिकृत कारोबारपछि पनि जनता बैंकको चेकहरु नियमित नै चल्ने छ भने एटिएम म्याद नसकिएसम्म चल्ने छन् ।
जनता बैंकको इन्टरनेट बैंकिंङ लिएका ग्राहकले साविक कै युजर नेम र पासवर्डले ग्लोबलको इन्टरनेट बैंकिंङमा लग इन गरि सेवा लिन सक्ने बैंकले जनाएको छ ।