Sansar News
२३ मसिंर, काठमाडौँ । कर्णाली क्षेत्रमा उत्पादन भई काठमाडौँ ल्याइएको विषादीरहित कर्णाली सिमी, फापर, उवालगायतका खाद्य तथा अन्न समयमा नै बिक्री वितरण गर्न नसक्दा राज्यकोषको डेढ करोड बढी क्षति हुने अवस्था सिर्जना भएको छ ।
पाँच वर्षअघि खाद्य व्यवस्था तथा व्यापार कम्पनी लिमिटेडले खरिद गरेर ल्याएको ठूलो परिमाणका खाद्य वस्तु समयमै बिक्री गर्न नसक्दा कामै नलाग्ने अवस्थामा पुगेका छन् ।
यसकारण, राज्यकोषको १ करोड ५९ लाख रुपैयाँ गुम्ने अवस्थामा पुगेको हो । ती खाद्य सामग्री अहिले लिमिटेडको थापाथली गोदाममै थन्किएका छन् । खाद्य व्यवस्था तथा व्यापार कम्पनी लिमिटेड कम्पनीको तथ्यांकअनुसार ६ सय ७५ क्विन्टल कर्णालीको सिमी बजारमा बिक्री वितरण हुन नसक्दा कामै नलाग्ने अवस्थामा पुगेको छ । सोमबारको राजधानी दैनिकबाट
वि.सं.२०७६ मंसिर २३ सोमवार ०७:४८ मा प्रकाशित
