हामी सबैकाे संसारन्यूज

२६ मंसिर, काठमाण्डौं । स्वास्थ उपचारको लागि स्वदेशमै आर्कषक गन्तब्य रुपमा विकास भइरहेको राजधानीको धापासीस्थित ग्राण्डी इन्टरनेशनल अस्पतालले १०५ बर्षीय बृद्धको निशुल्क उपचार गरेको छ ।

प्रतिकुल मौसम र बढ्दो चिसोसंगै मकवानपुर घर भई हाल काठमाँडौ बल्खुमा बसोबास गर्दे आएका १०५ बर्षीय बृद्ध गणेश बहादुर अधिकारीेको बिगत ८ बर्षदेखि दुबै घुँडामा समस्या रहेको थियो ।

बरिष्ठ कलाकार सन्तोष पन्तका निकटरहेका अधिकारीलाई गतबर्ष यता सहनै नसक्ने गरी दुखाइ हुदै आएको र उनकै सल्लाह अनुसार ग्रांडी अस्पताल आइपुगेको बताए ।

अस्पतालका मेडिकल डाइरेक्टर एब बरीष्ठ हाडजोर्नी तथा नसा रोग बिषेषज्ञ डा. चक्रराज पाण्डे नेतृत्वको टिमले बृद्धको उपचार गरेको हो । घुँडा खिइने समस्याबाट ग्रसित अधिकारीले ग्राण्डी अस्पतालले बृद्धहरु प्रति गरेको सम्मान एबं उपचार प्रति प्रशन्नता ब्यक्त गरे ।

अस्पतालका निर्देशक डा. चक्रराज पाण्डेले १०५ बर्षीय बृद्धको उपचार गर्न पाउनु सौभाग्य रहेको बताए, साथै डा पाण्डेले सम्पूर्ण बिरामिको स्वास्थ्य प्रति ग्राण्डी अस्पताल परिवार सदैब संबेदनशिल एवं प्रतिबद्द रहने समेत जनाएका छन् ।