Sansar News
२९ मसिंर, काठमाडौं । शिक्षक सेवा आयोगले करार प्राथमिक तहको करार शिक्षकको दुई जिल्लाको थप सूचि सार्वजनिक गरेको छ ।
आयोगले शुक्रबार एक सूचना जारी गर्दै नुवाकोट र कञ्चनपुर जिल्लाको प्राथमिक तहका करार शिक्षकको थप सूचि प्रकाशन गरेको हो ।
नुवाकोट जिल्लामा जम्मा सिफारिस सङख्या १२५ र करार सिफारिस सङख्या ६३ रहेको छ । भने कञ्चनपुर जिल्लामा जम्मा सिफारिस सङख्या १६ र करार सिफारिस सङ्ख्या ८ रहेको छ ।
आयोगले खुला प्रतियोगितात्मक परीक्षाद्वारा सामुदायिक विद्यालयमा रिक्त शिक्षक पदपूर्तिका लागि प्रकाशित विज्ञापन बमोजिम स्थायी नियुक्तिका लागि सिफारिस नभएका निम्न उम्मेद्वारहरुको नाम नामेसी विवरण शिक्षक सेवा आयोग नियमावली, २०५७ को नियम २४ बमोजिम करार शिक्षक पदमा नियुक्ति गर्ने प्रयोजनका लागि आयोगले प्रकाशन गरेको हो ।
वि.सं.२०७६ मंसिर २९ आइतवार १०:२७ मा प्रकाशित
