Sansar News
२९ मंसिर, काठमाडौं । नेपाल कम्युनिष्ट पार्टीं(नेकपा)का वरिष्ठ नेता माधवकुमार नेपालले सिन्धुपाल्चोकमा आज बिहान भएको बस दुर्घटना सुनेर आफू स्तब्ध भएको बताएका छन् ।
दोलखा जिल्लाको कालिन्चोकबाट काठमाडौं आउँदै गरेको बा ४ ख ४४६८ नम्बरको बस आइतबार बिहान सिन्धुपाल्चोकको ६ किलोमा दुर्घटना हुँदा १३ जनाको मृत्यु एवम् ठूलो संख्यामा घाइते भएको खबर सुन्दा स्तब्ध भएको बताएका छन् । नेता नेपालले सामाजिक सञ्जाल फेसबुकमार्फत घटनाबारे दुःख व्यक्त गरेका हुन् ।
उनले घटनामा ज्यान गुमानेहरुहरु प्रति हार्दिक श्रद्धान्जली व्यक्त गर्दै परिवारजनमा समवेदना साथै घाइते भएकाहरुको सिघ्र स्वास्थ्यलाभको कामना गरेका छन् ।
पछिल्ला दिनमा भएका सडक दुर्घटना कम गर्न सरकारको ध्यानाकर्षण गराएका छन् । उनले भनेका छन् ‘पछिल्लो समयमा सडक दुर्घटना बढी ठूलो जनधनको क्षति भएको प्रति गंभीर भई सडक यातायातलाई सुरक्षित बनाउन तत्काल प्रभावकारी कदम चाल्न नेपाल सरकार सहित सम्बन्धित निकायको ध्यानाकर्षण गराउँछु ।’
दोलखाबाट भक्तपुर आउँदै गरेको बस दुर्घटना हुँदा १२ जनाको मृत्यु,१८ घाईते
वि.सं.२०७६ मंसिर २९ आइतवार १०:३२ मा प्रकाशित
