हामी सबैकाे संसारन्यूज

३ पुस, काठमाडौँ । ६० लाख घुस मागेको आरोपमा पक्राउ परेका महानगरीय अपराध महाशाखाका प्रहरी सहायक निरीक्षक(असई) उमेश केसीको सम्बन्धमा नयाँ तथ्य खुलेको छ ।

केसीले आफ्नै प्रमिकाको प्रयोग गरी बलात्कार मुद्दामा मोटो रकम बार्गेनिङ गरेको तथ्य खुलेको हो ।

असई केसीको पे्रमिका भनिएकी युवतीको उजुरीका आधारमा ललितपुर प्रहरीले ३ कात्तिकमा बलात्कारको आरोपमा सन्देश शर्मा पोखरेल र ज्ञानेन्द्र गजुरेललाई पक्राउ गरेको थियो ।

बहालवाला असईले नै युवती प्रयोग गरेर बलात्कार अभियोग लगाउने र मुद्दा फिर्ता लिने भन्दै मोटो रकम माग गरेको खुलेपछि घटनाले नयाँ मोड लिएको प्रहरी स्रोतको भनाइ छ ।

पीडित परिवारबाट मोटो रकम माग गरेको प्रमाण अख्तियार दुरुपयोग अनुसन्धान आयोगमा पुगेपछि असई केसीलाई अख्तियारले नियन्त्रणमा लिएको थियो । आफ्नै प्रेमिका प्रयोग गरेर उजुरी दिन लगाएका असई केसीले सन्देश र ज्ञानेन्द्रका परिवारसँग ६० लाख रुपैयाँ दिए मिलाइदिने बताएका थिए । बिहीबारको राजधानी दैनिकबाट