Sansar News
३ पुस, दाङ । कुनै समय अर्काको घरमा काम गरेर जीवन गुजारा गर्दै आएका पूर्वकमलरीहरुले अब भने आफ्नो शैक्षिक योग्यताको विकास गर्न थालेका छन् ।
कमलरी जीवन त्यागेसँगै आफूले निर्णय लिने स्वतन्त्रता पाएका पूर्वकमलरीहरु सामान्य मात्र नभएर उच्च शिक्षा अध्ययन गर्न थालेका हुन् ।
विभिन्नसरकारी तथा गैरसरकारी संस्थाको पहलमा पूर्वकमलरीहरुले शिक्षा शिक्षा क्षेत्रमा प्रगति गर्न थालेका छन् । लमही नगरपालिका सतवरिया निवासी विष्णु चौधरी पूर्वकमलरी हुन्। उनले शिक्षा संकायमा स्नातकोत्तर तहसम्मको अध्ययन पुरा गरेकी छिन् । अहिले कानुन विषय लिएर पनि स्नातक तह दोस्रो वर्षमा अध्ययन गरिरहेकी छिन् ।
मुक्त कमलरी विकास मञ्चले दिएको जानकारी अनुसार अहिलेसम्म कमलरी मुक्त गरिएको जिल्ला दाङ, बाँके, बर्दिया, कैलाली र कञ्चनपुरका १० जना मुक्त कमलरी स्नातकोत्तर तहमा अध्ययनरत छन् । १९१ जना स्नातक तहमा अध्ययनरत छन् । यस्तै ६८६ जना दश जोड दुई र २९६ जना कक्षा १० मा अध्ययनरत छन् । बिहीबारको गोरखापत्र दैनिकबाट
वि.सं.२०७६ पुस ३ बिहीवार ०७:५० मा प्रकाशित
