हामी सबैकाे संसारन्यूज

४ पुस, काठमाडौँ । प्रमुख प्रतिपक्ष कांग्रेसले मोहम्मद अफ्ताब आलममाथि राजनीतिक पूर्वाग्रह राखेर झुटा मुद्दा लगाइएको आरोप लगाएको छ ।

आँफैले बनाउन लगाएको बम विस्फोटमा घाइते भएकालाई जिउँदै इँट्टाभट्टामा जलाएको अभियोगमा नख्खु जेल पुगेका आलम कांग्रेसका तर्फबाट रौतहट २ मा निर्वाचित सांसद् हुन् ।

सिंहदरबारमा बिहीबार बसेको कांग्रेस संसदीय दलको बैठकले झुटा प्रमाणहरु संकलन गरेर आलमलाई षड्यन्त्रपूर्वक फसाउन खोजिएको भन्दै आपत्ति जनाएको हो । ‘राजनीतिक पूर्वाग्रह राखेर नेता, कार्यकर्ता, व्यापारी एवं सर्वसाधारणमाथि झुटा , मुद्दा लगाउने कार्य तत्काल बन्द गरियोस्,’ दल बैठकपछि सचेतक पुष्पा भुसालले विज्ञप्ती जारी गरेकी छिन् ।

कांग्रेसका सांसद मोहम्मद अफ्ताव आलममाथि राजनीतिक पूर्वाग्रह राखेर झुटा प्रमाणहरु संकलन गर्दै षड्यन्त्रपूर्वक फसाउने कार्यको कांग्रेस संसदीय दल घोर आपत्ति व्यक्त गर्दछ । शुक्रबारको नयाँ पत्रिकाबाट