हामी सबैकाे संसारन्यूज

८ पुस, काठमाडौँ । दिपिका पादुकोण अभिनित नयाँ चलचित्र छपक प्रदर्शनमा आउनु अगाडीनै चोरीको आरोपमा विवादमा परेको छ । पादुकोण अभिनित उक्त चलचित्रको निर्देशन मेघना गुलजारले गरेका हुन् ।

जनवरी १० देखि प्रदर्शनमा आउने तयारीमा रहेको उक्त चलचित्र छपक नक्कल गरेको आरोपमा अदालत सम्म पुगेको छ । लेखक राकेश भारतीले मुम्बईको उच्च अदालतमा निवेदन दिई उक्त चलचित्रको कहानीमा क्रेडिट आफुलाई दिनुपर्छ र उनका अनुसार कथाको विचार उनको हो उनले कथा ‘ब्ल्याक डे’  फिल्मका लागि आफुले लेखेको बताएका छन् ।

भारतीले मोशन पिक्चर्स एसोसिएशनमा यसलाई दर्ता गराएका र यस स्क्रिप्टको बारेमा निर्माता र अन्य कलाकारहरुलाई सुनाएका थिए । उनले फक्स स्टार स्टूडियोको राउन्ड पनि बनाएका थिए । निवेदनमा उनले भनेका छन् कुनै पनि कारणले यो परियोजना सुरु हुन सकेन ।

भारतीका वकिलका अनुसार छपक निर्माण गर्ने प्रोडक्शन हाउसले थाहा पाएपछि गुलजारले पनि त्यस्तै फिल्म बनाइरहेका थिए । यस सम्बन्धमा भारतीले उक्त फिल्मका निर्माताहरू समक्ष गुनासो पनि गरिसकेका थिए तर कुनै जवाफ नपाउँदा उनले अदालतमा अपील गरेको बताएका छन् ।

निवेदनमा भनेका छन– कि उनलाई पनि छपकमा लेखकको रूपमा क्रेडिट दिनुपर्नेछ र क्रेडिट नभएमा फिल्म रिलीज हुन नदिने उनको दाबी छ । दुई फिल्मको कहानी कत्तिको मिल्दोजुल्दो छ भनेर पत्ता लगाउन राकेश भारतीले एक विशेषज्ञ पनि नियुक्त गरेको बताएका छन् ।