हामी सबैकाे संसारन्यूज

१४ मसिंर, काठमाडौँ । सरकारको उपेक्षा र चिनी उद्योगको शोषणले विपन्न उखु किसान पिल्सिएका छन् ।

उखु किनेका उद्योगले एक अर्ब ४१ करोड तिरेका छैनन् । कतिपयले पाँचवर्षदेखिको पैसा नदिएको भन्दै उखु किसान काठमाडौँ आएर धर्नामा बसेका छन् । सरकारले उनीहरुलाई न्याय दिने आश्वासन दिएको छ । तर, सरकार आफैँले दिनुपर्ने एक अर्ब ३४ करोड अनुदान समेत दिएको छैन ।

सर्लाहीका विन्द्येश्वर राय यादवले साहुमहाजनसँग चार वर्षअघि तीन लाख ऋण लिएर उखुखेती गरे । ३६ प्रतिशत ब्याजदरमा लिएको ऋण समय समयमा ब्याज तिर्दासमेत अहिले पाँच लाख नाघिसकेको छ । तर, उनले गरेको उखुखेतीको कमाइ भने अझै हात परेको छैन । ऋणको ब्याज बढ्दे जाने, तर उखुको भुक्तानी भने नपाउने पीडाले यादव छट्पटाएका छन् । सोमबारको नयाँ पत्रिका दैनिकबाट