हामी सबैकाे संसारन्यूज

१५ पुष काठमाडौं । दुर सञ्चार प्रदायक कम्पनी एनसेलले पुँजीगत लाभकर वापतको तिर्नु पर्ने कर मध्ये चार अर्ब पचास करोड मंगलबार तिरेको छ ।

एनसेलले ठूला करदाता कार्यालयमा उक्त कर तिरेको हो । सर्बोच्च अदालतको पछिल्लो फेसला अनुसार उसले कर वापत २२ अर्ब ६४ करोड कर तिर्नु पर्ने थियो । उक्त रकम सर्बोच्च अदालतले फैसला गरे यताको ब्याज सिहत हो ।

बाँकि १८ अर्ब भन्दा बढी कर वापतको रकम किस्ताबन्दीमा तिर्न पाउनु पर्ने माग पनि उसले ठूला करदाता कार्यालयमा गरेको छ । करदाताले किस्ताबन्दीमा कर तिर्न पाउने सुबिधालाई उसले उपयोग गर्न खोजेको ठूला करदाता कार्यालयले जनाएको छ ।

२०७७ असार मसान्तसम्ममा एनसेलले बक्यौता कर तिरिसक्नु पर्ने हुन्छ । गत वैशाखमा ठूला करदाता कार्यालयले एनसेललाई साठी अर्ब ७१ करोड चौबिस लाख ९६ हजार ९७ रुपैयाँ कर निर्धारण गरेको थियो, जसमध्ये उसले केहि रकम पहिले नै तिरिसकेको थियो । त्यस पछि ठूला करदाता कार्यालय र एनसेल बिच करको विषयमा रस्साकस्सि चल्यो । अन्तत अदालतको फैसला पछि उसले कर तिर्न सुरु गरेको छ ।