हामी सबैकाे संसारन्यूज

१६ पुष, काठमाण्डौं । नेपालका एक प्रोफेसरले चीनमा झापड खाएका छन् । त्यो पनि चीनमा रहेका नेपाली विद्यार्थीबाटै ।

बेइजिङको एक रेष्टुरेण्टमा आयोजना गरिएको पार्टीमा त्रिभुवन विश्वविद्यालयको जल तथा मौसम विज्ञान विभागका डा. टेक बहादुर क्षेत्रीले त्यहि पिएचडि गरिरहेका राई थरका नेपालीबाट कुटाई खाएको बुधबारको जनआस्थामा समाचार छ ।

चीनबाटै पिएचडि सकेका पुर्वतिरका राजु राई, सौनक भण्डारी, र बिनोद बानियाँले एक रेष्टुरेण्टमा आयोजना गरेको पार्टीमा प्रोफेसर क्षेत्रीले त्यहाँ अरुलाई हप्की दप्की गर्दै गाली गर्न थालेका थिए । सात वर्ष पहिले चाइनिज एकेडेमी अफ सोसल साइन्सेजबाटै पिएचडी गरी चारवर्ष अगाडि त्रिविको प्रोफेसर भएका क्षेत्रीले त्यहाँ अरुलाई ‘तिमिहरु छिचिमिरा हौं । मैले भनेको मान्नुपर्छ ।’ आफू कांग्रेस भएपनि बालकोटमा केपी ओलीको छिमेकी रहेको र सबैतिर आफ्नो पहुँच भएको बताउँदै थिए ।

सुरुमा गफैबाट हप्किदप्कि गरेका प्रोफेसर क्षेत्रीले रक्सी लाग्दै गएपछि हातै समेत हाल्ने र उपस्थितलाई लोर्पादै ‘त को होस, मलाई चिनेको छस् ? म टियुको गोल्डमेडलिष्ट हुँ’ भन्न थाले । उनले पार्टीमा सहभागी महिलालाई पनि त्यस्तै व्यवहार गर्न थाले । उनलाई सम्झाउन सक्ने कोही भएनन् त्यहाँ ।

अति भएपछि अति हुन्छ भनेजस्तै उनी गोर्खालीकै फेला परे । ती गोर्खालिले घुमाएर एक किक हाने प्रोफेसर खत्रीलाई । त्यसरी किक हान्ने चाइनिज एकेडेमीमै पिएचडि गर्दै गरेका नेपालको पूर्वतिरका राई थरका विद्यार्थी हुन् ।

आफूले कुटाई खाएको कुरा नेपालमा रहेकी श्रीमतीलाई बताउँदै अफू बेइजिङमा सुरक्षित नरहेको बताएका थिए क्षेत्रीले । तर, श्रीमती हुँदै आफन्त र आफन्त हुँदै अन्यत्र कुरा पुगेपछि क्षेत्रीले कुटाइ खाएको भाइरल बन्यो । रक्सीले छोडेपछि क्षेत्रीले आफ्नो गल्ती महसुस गरेर ती राईथरका विद्यार्थीसँग भोली पल्ट माफी मागेको बताइएको छ ।