हामी सबैकाे संसारन्यूज

१६ पुष, रसिया । नेपाल भ्रमणवर्ष २०२० को पूर्वसन्ध्यामा रसियामा नेपाल भ्रमण वर्षको प्रचार–प्रसार गरिएको छ ।

नेपाली दूतावास रसिया र एनआरएनए एनसिसि रसियाको संयुक्त पहलमा मस्कोको मुटु मानिने ‘रेड स्क्वाएर’मा ३१ डिसेम्बरका दिन एक कार्यक्रमको आयोजना गरी नेपाल भ्रमणवर्ष २०२० को प्रचार प्रसार गरिएको हो ।

रसियाका लागि नेपाली राजदूत ऋषिराज घिमीरे, एनआरएनएका अध्यक्ष शिवमणि भुत्र्याल, संघका पूर्व युरोप उपसंयोजक गोविन्द प्रसाद गौतम, एनआरएनए रसियाका पूर्वअध्यक्ष रामेश्वर गौतम लगायतको टिमले नेपाल भ्रमण वर्ष २०२० को प्रचार–प्रसार गरेको हो ।

उक्त प्रचार–प्रसार कार्यक्रममा रसियन तथा अन्य देशका नागरिकलाई नेपाल भ्रमण वर्ष २०२० का बारेमा जानकारी दिँदै भिजिट नेपाल २०२० लेखिएको झोलामा पर्यटन सामग्री समेत वितरण गरिएको पूर्व युरोप संयोजक गौतमले संसारन्युजलाई बताए ।

‘नेपाल सरकारकाले घोषणा गरेको नेपाल भ्रमण २०२० लाई सघाउनका लागि केन्द्रले गरेको आव्हान स्वरुप सुरुवाती कार्यक्रम गरेका हौं ।’ गौतमले भने ।

प्रचार–प्रसारका क्रममा रसियन नागरिकहरुले नेपाल घुम्न जान्छौ समेत भनेका थिए ।