हामी सबैकाे संसारन्यूज

जिन्दगी चलाउनलाइ गीताको सार भए पुग्छ
मुटु रेट्नलाइ त केवल फूलको धार भए पुग्छ
नजाऊ सागरको लहरसँगै भबिस्य खोज्न् प्रिय्
बाँच्नलाइ त सागरले छाडेको किनार भए पुग्छ ।
१)
रमाइलो खुब लाग्छ पिरतिको फूल गोड्नलाई
छिचरो बचन नै काफी कमलो दिल तोड्नलाई
दुईबीचको संवादमा वचनले नै मन टुट्नसक्छ,
टुटेपछि मनको बिश्वास गार्हाे हुन्छ जोड्नलाई ।
२)
बकुल्ला झै कुरिबस्छ मौका पाए किची हाल्छ
निर्दोलाइ भेट्यो कि त बलियाले थिची हाल्छ
गाईमारेर गधा पोस्छन् अनि सरण पर्छन् उसकै
ठाउँ पाए छिमेकीले साँधसीमा त मिची हाल्छ ।।
३)
यो ढुकढुकी यो मायाको खानी तिमीलाइ
संसार देख्ने यो आँखाको नानी तिमीलाइ
अन्यथा नसम्झिदै मेरो मनसाय बुझे हुन्थ्यो,
सुम्पिएदिए यो घायलको जवानी तिमीलाई ।।
४
अध्यारो मनभित्र संस्कारको जून पाल्न पाए
अलिनो बिचारमा मानवताको नुन हाल्न पाए
सुन्दर हुन्थ्यो यो संसार हत्याहिंसा हुदैनथ्यो कि ?
मानव भित्र जकडिएको अबगुन फाल्न पाए ।।
५)

तारकेश्वर नगरपालिका-७ फुटुङ्ग,काठमाडौ ।
इमेल : [email protected]