हामी सबैकाे संसारन्यूज

२३ पुष, काठमाण्डौं । सन् २०१२ मा दिल्लीस्थित एक बसभित्र चिकित्शासास्त्रकी एक छात्रा (निर्भया) को सामुहिक बलात्कारपछि हत्याका चार अभियुक्तलाई मृत्युदण्ड दिइने भएको छ ।

बलात्कार अभियोगी ३२ वर्षीय, मुकेश सिंह, पवन गुप्ता, विनय शर्मा र अक्षकुमार सिंहलाई २२ जनवरीको ७ बजे बिहान तिहाड जेलमा सामुहिक मृत्युदण्ड दिन पटियाला हाउस अदालतले मंगलबार आदेश दिएको हो ।

यसैबीच आफ्ना छोरालाई मृत्युदण्डको सजाय दिइन लागेका समाचार पछि अभियुक्त मध्ये मुकेश सिंहकी आमाले निर्भयाकी आमासँग छोरालाई क्षमा दिएर जीवन दान दिनका लागि यचना गरेकी थिइन् ।

जसको जवाफमा निर्भयाकी आमाले भनेकी थिइन् ‘मेरी पनि छोरी थिईन् उनलाई भएको आक्रमणबारे म कसरी बिर्सन सक्छु । न्यायका लागि मैले सातवर्षदेखि पर्खिरहेकी छु । ऐजेन्सीलाई उद्धृत गर्दै बुधबारको नयाँपत्रिका दैनिकले लेखेको छ ।

अदालतले उक्त फैसला सुनाएपछि चारै अभियुक्त विक्षिप्त बनेका थिए भने दोषि र पीडितका परिवार अदालतमै रोएका थिए । सोहिबेला मुकेश सिंहकी आमाले छोराको जीवन दान मागेकी थिइन् ।

बलात्कारमा संलग्न ६ अभियुक्त मध्ये राम सिंहले सन् १०१३ मा तिहाड जेलमै आत्महत्या गरेका थिए भने अर्का किशोरलाई तीन वर्षको जेल सजएपछि सुधारगृहमा पठाइएको थियो ।
ती चार अभियुक्तलाई झुण्ड्याएर मृत्युदण्ड दिन जेलमा एक महिनादेखि जेल अधिकारीहरुले तयारी गर्दै आएको समेत बताइएको छ ।