Sansar News
४ माघ, काठमाण्डौं । राष्ट्रिय बाणिज्य बैंकले ५५ औं बार्षिकोत्सवका अवसर पारेर प्रभातफेरि कार्यक्रम सम्पन्न गरेको छ ।
बैंकले शनिबार ब्राञ्च अपरेसन विभागका प्रमुख सरोज बस्नेतको संयोजकत्वमा प्रभात फेरि कार्यक्रम सम्पन्न गरेको जनाएको छ ।
बैंकको केन्द्रीय कार्यालय सिंहदरवारबाट शुरु भएको प्रभात र्याली भद्रकाली, शहिदगेट, रत्नपार्क, बागबजार, पुतलिसडक, प्रदर्शनी मार्ग हुँदै पुन : सिंहदरवार आएर समापन भएको थियो ।
उक्त अवसरमा बैंकका प्रमुख कार्यकारी अधिकृत किरण कुमार श्रेष्ठले स्वागत तथा शुभकामना मन्तव्य व्यक्त गरेका थिए ।
वि.सं.२०७६ माघ ४ शनिवार ११:०१ मा प्रकाशित
