हामी सबैकाे संसारन्यूज

(१)
त्रिपन्नौ बसन्तको जंघार तरु लाग्छ
पग्लिएर मन आँखैबाट झरु लाग्छ
सुम्पिएर हर हिसाब यो जिन्दगीको
उनको दिलभित्रै बसाइँ सरु लाग्छ ।।

(२)
बिरुवा अनुसारको मौसमी फल फल्नु पथ्र्यो
भ्रष्टलाई संरक्षण दिए कालोमोसो दल्नु पथ्र्यो
गाइजात्रे शैलीमा सरकारले प्रशासन चलाउँछ,
निति नियमानुसार त सरकार पनि चल्नु पथ्र्यो ।

(३)
कलह सुरु हुन्छ तब जेथा हातबाट बित्तो भएपछि
भर हुन्छ भिरमा पनि समाउनलाई भित्तो भएपछि
छट्पटी र अनिन्द्रा मै बित्छ चिसा रातहरु अचेल,
निंद हराउँछ चैन हराउँछ अंगालोनै रित्तो भएपछि ।

(४)
म हुँ गाउँको मान्छे तिमी परी सहरको
काम आउछ आखिरीमा पानी नहरको
उपहार पठाएथें अमृत घडा तिमीलाई
सट्टामा पठायौ भरेर सिसि जहरको ।

(५)
मायालु यो तन अझ यो मन तिम्रै हो
सुस्त गतिमा चल्ने धड्कन तिम्रै हो
पहिलो नजरमै भुइचालो गयो दिलमा,
यो मुटु हल्लाउने पराकम्पन तिम्रै हो ।।