हामी सबैकाे संसारन्यूज

ख्वामितका आज्ञाकारी बबुराहरु
देश खान भेस बदले
पुच्छर डोलाएर सेवा गरे
थरथराएर उभिए
जुर्मुराएर सत्तारोहण गरे
भर्याङ बनेका जनता लत्याए
उनकै पसिना खोस्ने दाउ ढुकेर
ख्वामितकै इच्छा बमोजिम
शक्तिको दुरुपयोग गरे
देशको साख कमिसनसित साटे
पुर्खाको स्वाभिमान थिचे
समयको गति नचिन्ने कुलङगारहरु
जनभावनाको उछितो काढ्दै
सुलिमाथिको खोरभित्र पसेर
ख्यामितले फालेका पाँसुला लुछिरहेछन्
अवसरको उपयोग गर्न नसक्ने बबुराहरु
जनताको रगत पसिना खोसेर बहादुर बन्दै
ख्वामितकै पाउ परिरहेछन्
तर,
सचेत जनता जुरुक्क उठेर
विगुल फुक्दै आमाको पहरेदारीमा
झण्डा फहराइ रहेको
पत्तै छैन पुच्छर डोलाउन
व्यस्त बबुराहरुलाई !