हामी सबैकाे संसारन्यूज

८ माघ, काठमाण्डौ । मंगलबार मकवानपुरको दामनस्थित एभरेष्ट पानोरमा रिर्सोटमा नेपाल घुम्न आएका भारत केरलाका ८ पर्यटकको मृत्युले यतिबेला नेपाली समाजमा बिभिन्न बहस छेडेको छ ।

मंगलबार एउटै कोठामा बेहोस् भएका उनीहरुलाई तत्कालै हेलिकप्टरमा राखेर काठमाण्डौंस्थित हेम्स अस्पतालमा उपचारका लागि ल्याइए पनि उनीहरुलाई तत्कालै मृत घोषणा गरिएको थियो ।

यसै घटनालाई लिएर पाटन उच्च अदालतका न्यायाधिश टेकनारायण कुँवरले यस घटनामा कसैको दुरासय नभए पनि सबैले सिक्नुपर्ने गम्भीर पाठ घटनाले छोडेको बताएका छन् ।

उनले भिजिट नेपालको पूर्वसन्ध्यामा यस्तो घटनाले धेरै दुखी तुल्याएको भन्दै केही सुझाव समेत दिएका छन् ।
यी हुन् सामाजिक संजालमा न्यायाधिश कुँवरले लेखेका सुझाव

१-कुनैपनि व्यवसायिक होटल वा रिसोर्टहरूले वातानुकूलित सुविधा अनिवार्य रूपमा राख्नुपर्ने मापदण्ड तुरून्त तोक्ने ।
२ -तोकिएको मापदण्ड पूरा नगर्नेलाई कानूनको दायरामा ल्याउने ।

३- भिजीट नेपालको सन्दर्भमा अझै गम्भीरताका साथ पर्यटन मन्त्रलायले त्यस्तो मापदण्ड पूरा गरे नगरेको कडाईकासाथ अनुगमन गर्ने ।

४-यस्ता घटना घट्न सक्नेतर्फ सचेतना अपनाउन संचार माध्यमबाट व्यापक रूपमा सूचना प्रवाह गर्ने ।

५ -हिजो घटेको दुःखद घटनामा सरकारको तर्फबाट गम्भीरता प्रकट गरी शोकाकूल परिवारमा समवेदना टक्र्याउने ।

६-पर्यटकहरूलाई स्तरीय सेवा उपलब्ध गराउन के के गरिनु पर्छ भन्ने बारेमा सरोकारवाला सहितको अध्ययन कार्यदल गठन गर्ने ।

७- उक्त घटित घटनाको विज्ञटोलीबाट जाँचबुझ गराउने ।