Sansar News
रोल्पाको सुनछहरी गाउँपालिका–२ फलबाङमा पहिरोले घर पुरिँदा बेपत्ता भएका तीन जनाको शव फेला परेको छ।
शुक्रबार बिहान करिब ८ः१० बजे स्थानीय वीरु घर्ती मगरको घर पहिरोले पुरिँदा घरमा रहेका तीन जना बेपत्ता भएका थिए। खोजी तथा उद्धारका क्रममा बिहान ११ः३० बजे तीनै जनाको शव फेला परेको हो।
पहिरोमा परी मृत्यु हुनेमा सुनछहरी गाउँपालिका–२ निवासी ७७ वर्षीय वीरु घर्ती मगर, ६८ वर्षीया सनी घर्ती मगर र ७० वर्षीया लली घर्ती मगर रहेका छन्। प्रहरी तथा स्थानीयको सहयोगमा उद्धार तथा खोजी कार्य गरिएको थियो। घटनाबारे थप विवरण आउन बाँकी रहेको छ।
वि.सं.२०८३ साउन २९ शुक्रवार १५:५१ मा प्रकाशित
