हामी सबैकाे संसारन्यूज

१४ माघ, काठमाडौं । सभामुख अग्नि सापकोटाविरुद्धको रिटमा आज सर्वोच्च अदालतमा सुनुवाइ हुँदैछ । सोमबारदेखि शुरु भएको बहस नसकिएपछि आज सुनुवाई हुन लागेको हो । सर्वोच्च अदालतमा वरिष्ठ अधिवक्ता दिनेश त्रिपाठीले दिएको रिटमा आज बहस सकिएर सुनुवाई हुनेछ ।

सोमबार दिनभर बहस भए पनि नसकिएकाले उक्त मुद्दा हेर्दाहेर्दैमा राखिएको थियो । सभामुखको हैसियतमा सापकोटालाई काम नगर्नरनगराउन माग गर्दै वरिष्ठ अधिवक्ता त्रिपाठीले सर्वोच्चमा गत शुक्रबार रिट हालेका हुन ।

नवनिर्वाचित सभामुख सापकोटालाई काभ्रेका अर्जुन लामाको हत्या गरेको आरोप छ । सापकोटा आइतबार नै सभामुखमा निर्विरोध निर्वाचित भैसकेका छन् भने सोमबार उनले शपथसँगै कार्यभार पनि सम्हालेका छन् ।