Sansar News
१६ माघ, काठमाडौँ । प्रहरी कर्मचारीहरुलाई नेपाल प्रहरी तथा प्रदेश प्रहरीमा समायोजन गर्ने सम्बन्धमा व्यवस्था गर्न बनेको विधेयक संघीय संसद्बाट प्रमाणीकरणका लागि राष्ट्रपतिसमक्ष पठाइएको छ ।
सो विधेयक प्रमाणीकरण भएसँगै केन्द्र र प्रदेशमा प्रहरी समायोजन प्रक्रिया थालिने गृहमन्त्रालयले जनाएको छ । जसअनुसार केन्द्रमा ३० हजार मात्रै राखेर ४५ हजार बढी प्रहरीलाई प्रदेशमा पठाइनेछ ।
गत १ असोजमा प्रतिनिधिसभाबाट पारित विधेयक सभामुख चयनसँगै हस्ताक्षर भएर बुधबार मात्रै प्रमाणीकरणका लागि राष्ट्रपतिसमक्ष पठाइएको हो । बिहीबारको राजधानी दैनिकबाट
वि.सं.२०७६ माघ १६ बिहीवार ०८:०० मा प्रकाशित
