Sansar News
१९ माघ, काठमाडौं । केन्द्रीय कमिटी बैठकको समापनअघि नेकपाको सचिवालय बैठक बसेको छ । दुई अध्यक्ष केपी शर्मा ओली र प्रचण्डबीच छलफलपछि प्रधानमन्त्री निवास बालुवाटारमा सचिवालय बैठक बसेको हो ।
बैठकमा उठेका प्रश्नहरुको जवाफ दिने बारे साझा धारणा बनाउनका लागि प्रचण्ड र ओलीबीच छलफल भएको थियो। सचिवालय बैठकमा पनि केन्द्रीय कमिटी बैठकमा उठेका विषय र त्यसका समाधानका बारेका कुराकानी भएको छ ।
केन्द्रीय कमिटी बैठकमा सदस्यहरुले नेतृत्वमाथि उठाएका प्रश्न र प्राप्त सुझावहरुबारे सचिवालयमा छलफलपछि दुवै अध्यक्ष र महासचिवले जवाफ दिनेछन् । सचिवालय सदस्यहरु केन्द्रीय कमिटी बैठकका समूहगत छलफलमा सहभागी थिएनन् ।
नेकपा केन्द्रीय कमिटी बैठकमा एमीसीसीका बारेमा विज्ञ सम्मिलित कार्यदल गठन गर्नुपने,पोलिटव्यूरो गठन, सम्पत्ति छानविन आयोग गठनलगायतका माग उठेका छन् ।
गत बुधबारबाट शुरु भएको केन्द्रीय कमिटी बैठक अध्यक्षले जवाफ दिएसँगै आजै समापन गर्ने तयारी गरिएको छ ।
वि.सं.२०७६ माघ १९ आइतवार १३:२९ मा प्रकाशित
