हामी सबैकाे संसारन्यूज

२० माघ, काठमाडौं । काठमाडौंको चन्द्रागिरी नगरपालिकाका प्रमुख प्रशासकिय अधिकृत युवराज पौडेल र सवारी चालक संचित दुलाल रु एक लाख घुस रकमसहि पक्राउ परेका छन् । चन्द्रागिरी नगरपालिकाको सूचना, सञ्चार तथा प्रसारण गर्ने प्रयोजनका लागि सम्झौता गरी बिनियोजन भएको रकम मध्येबाट घुस माग गरेको भन्ने सूचना एवं उजुरीको आधारमा अख्तियार दुरुपयोग अनुसन्धान आयोग टंगालबाट खटिई गएको टोलीले उनीहरुलाई नियन्त्रणमा लिएको हो ।

प्रमुख प्रशासकिय अधिकृत युवराज पौडेलको निर्देशनमा सवारी चालक संचित दुलालले घुस बापतको रु एक लाख लिई चन्द्रागिरी नगरपालिका वडा नं १२ स्थित वलम्बु च्याउ सहाकारी अगाडी जाँदै गर्दाको अवस्थामा दुवै जनालाई उक्त रकमसहित नियन्त्रण लिइएको अख्तियार प्रवक्ता प्रदीपकुमार कोइरालाले जानकारी दिए ।