हामी सबैकाे संसारन्यूज

२४ माघ, अमेरिका । नेपाली जनसम्पर्क समितिको केन्द्रीय अधिबेशन अप्रिल २०२० मा हुने भएको छ ।

आगामी अप्रिल ११ र १२ मा हुने उक्त अधिबेशनका लागि मार्च २८ र २९ मा सबै च्याप्टरहरुको अधिवेशन सम्पन्न गरिने बताइएको छ । फेब्रअरी ५ मा बसेको समितिको कन्फरेन्स बैठकले यस्तो निर्णय गरेको हो ।

समितिका सभापति एवं कांग्रेस आमन्त्रित केन्द्रीय सदस्य आनन्द विष्टको सभापतित्वमा सम्पन्न बैठकले केन्द्रीय अधिवेशनको मिति प्रस्ताव गरी पार्टीलाई जानकारी गराउने र पार्टी समक्ष केन्द्रीय पर्यवेक्षक र प्रतिनिधिका लागि अनुरोध गर्ने निर्णय समेत गरेको छ ।

कांग्रेसको विधान अनुसार अधिवेशनको मिति प्रस्ताव गरी केन्द्रीय पर्यवेक्षक र प्रतिनिधि पठाईदिनका लागि जनसम्पर्क समितिले अनुरोध गर्नुपर्दछ ।

पार्टीको गत कार्तिक ५ को परिपत्र अनुसार ६ महिनाभित्र अधिवेशन सम्पन्न गर्ने गरी प्रक्रिया सुरु गरिएको हो । यसका लागि पार्टीको निर्देशन अनुसार,क्रियाशील सदस्यता आवेदन वा नवीकरणका लागि सूची संकलन गरी पार्टीलाई प्रेषित गरिनेछ भने मार्च १५ सम्म समितिका च्याप्टर मार्फत साधारण सदस्यता वितरण गरिनेछ ।

यस्तो छ कार्यतालिका

१- मार्च १५ का मितिसम्म सम्पूर्ण च्याप्टर मातहत समितिको साधारण सदस्यता वितरण गरिसक्ने र मातृ पार्टी नेपाली कांग्रेसको क्रियाशील सदस्यता सूची संकलन गर्ने ।

२ -मार्च २८ र २९ का मितिमा सम्पूर्ण च्याप्टरको अधिवेशन सम्पन्न गर्ने ।

३-समितिको केन्द्रीय अधिवेशन अप्रिल ११ र १२ मा सम्पन्न गर्नका लागि प्रस्ताव गर्ने निर्णय सहित पार्टीलाई आवश्यक पत्राचार गर्ने र केन्द्रीय पर्यवेक्षक र प्रतिनिधिका लागि अनुरोध गर्ने ।

यसका साथै अधिवेशन सम्पन्न गर्न स्थानीय व्यवस्थापन समिति,निर्वाचन समिति,विधान मस्यौदा समिति,आर्थिक समिति,सदस्यता वितरण एवं छानबीन समिति र अनुगमन एवं परामर्श समितिलगायतका समितिहरु पनि गठन गर्ने निर्णय गरेको छ ।

३४ सदस्यीय वर्तमान कार्यसमितिमा बैठकमा निम्न पदाधिकारी र सदस्यहरुको उपस्थिति रहेको थियो
सभापति आनन्द विष्ट,बरिष्ठ उपसभापति धनन्जय नरसिंह केसी,धर्म राज श्रेष्ठ,भगवान मैनाली,चेत प्रसाद पौंडेल,केशब बराल,महासचिव मुनिन्द्र नेम्बाङ, सचिव भोजराज थोकर र ईश्वर सापकोटा,सदस्यहरु ज्ञानेन्द्र राज कार्की,सुवास लामा, लोक लामा, गोपाल बिश्वकर्मा, सुन्दर गुरुङ, गौतम दाहाल, परमानन्द खनाल,गोविन्द लम्साल, पिताम्बर भुषाल, रविन बस्नेत,सुभेन्द्र रानाभाट, पविता परियार,मान्ती शाह, ओम भट्टराई,किलन राई हरी शर्मा, विष्णु सुवेदी र प्रमोद सिटौलाले निर्णय प्रक्रियामा मत राखेको केन्द्रीय समितिका तर्फबाट प्रचार–प्रसार विभागका प्रमुख गौतम दाहालले जनाएका छन् ।