हामी सबैकाे संसारन्यूज

२५ माघ, काठमाडौँ । नेकपाका महासचिव विष्णु पौडेलका छोरा नवीन पौडेल र सर्वोच्च अदालतका न्यायाधीश कुमार रेग्मीको नाममा रहेको बालुवाटारस्थित ललिता निवासको जग्गा सरकारको नाममा ल्याइएको छ ।

भूमिसुधार तथा व्यवस्था मन्त्रालयको निर्देशनमा डिल्लीबजार मालपोत कार्यालयले दुई जनाको नाममा रहेको ललिता निवासका जग्गाहरु सरकारका नाममा ल्याइएको स्रोतले जनाएको छ । स्रोतका अनुसार अख्तियार दुरुपयोग अनुन्धान आयोगको पत्र र जग्गा धनीको सनाखतपछि रेग्मी र पौडेलको नाममा रहेको जग्गा सरकारको नाममा ल्याइएको हो ।

ललिता निवास प्रकरणमा अख्तियार दुरुपयोग अनुसन्धान आयोगले दर्ता गरेको भ्रष्टाचार मुद्दामा पौडेल र रेग्मीले आफ्नो नाममा रहेको जग्गा सरकारलाई छाड्ने भएपछि दुवैलाई मुद्धा  नलाग्ने भनेपछि त्यसको सवत्र्र आलोचना गरिएको छ ।

ललितानिवास प्रकरणमा जग्गा फिर्ता गर्न मञ्जुर भएकै कारण पौडेल र रेग्मीमाथि मुद्धा नचलाउने अख्तियारको निर्णयमाथि प्रश्न उठाउँदै प्रमुख विपक्षी नेपाली कांग्रेसले आयोग सरकारको निर्देशनमा चलेको भन्ने आरोप लगाउनुका साथै सदन र सडक संघर्ष थालेको छ ।