हामी सबैकाे संसारन्यूज

२६ माघ, काठमाडौँ । सबैभन्दा बढी गरिबी प्रदेश २ मा देखिएको छ । प्रदेश २ को नीति आयोगले गरिबीको दर उच्च रहेको र मानव विकास सुचाङक निकै खस्किएको प्रतिवेदन सार्वजनिक गरेको हो । प्रतिवेदनमा बहुआयामिक गरिबी दर झण्डै ४८ प्रतिशत छ ।

गाँस बास र कपासको समस्या र बिरामी हुँदा उपचार गराउन नसक्ने अवस्थालाई बहुआयामिक गरिबीको सूचीमा राखिएको छ । नीति आयोगको पञ्चवर्षीय योजनाका आधारपत्रमा बहुआयामिक गरिबीदर ४७.९ प्रतिशत छ ।

नेपालको बहुआयामिक गरिबीदर २८.६ प्रतिशत छ । बहुआयामिक गरिबीमा प्रदेश २ दोस्रो नम्बरमा छ । आर्थिक गरिबी दर प्रदेशमा २७.७ प्रतिशत छ नेपालको समग्र आर्थिक गरिबी २५.२ प्रतिशत छ । मानव विकास सूचांकमा भने पुछारमा छ । आइतबारको अन्नपूर्ण पोस्टबाट