हामी सबैकाे संसारन्यूज

२९ माघ, काठमाण्डौं । गैरआवासीय नेपाली संघ एनआरएनएले आफ्नो संस्थालाई विशुद्ध राजनीति संस्था बताँउदै आएपनि संघको कार्यकारी पदमा रहेका पदाधिकारीहरु कुनै न कुनै राजनीतिक दलमा आवद्ध रहेका छन् ।

देशमा रहँदै विभिन्न राजनीतिक पार्टीभित्र आस्था राख्नेहरु र विदेश गएपछि पनि दलका भातृ संगठनका रुपमा संगठित भइसकेकाहरु नै एनआरएनएको कार्यकारी पदमा रहेका छन् । भलै उनीहरुले संस्थामा आफ्नो पार्टी र आस्थाका बारेमा नबताएपनि भित्र कुनै न कुनै रुपमा पार्टीमा संलग्नता जनाइरहेको पाइन्छ ।

तर, यतिबेला भने एनआरएनएले त्यस्ता राजनीतिक संगठनको कार्यकारी पदमा रहेर चिनिएका र संस्थामा पनि कार्यकारी पदमा रहेकाहरुलाई मिति तोकेरै ती संगठनबाट राजिनमा दिन वा अन्यथा संघको विधान बमोजिम कारबाही भोग्नुपर्ने निर्देशन दिएको छ ।

‘यसै सन्दर्भमा हालै विभिन्न पत्रपत्रिका र अन्य श्रोतबाट केही अन्तराष्ट्रिय समन्वय परिषद् र राष्ट्रिय समन्वय परिषदका पदाधिकारी र सदस्यहरु नेपालका विभिन्न राजनीतिक दलका भातृसंगठनको कार्यसमितिमा संलग्न भएको जानकारी प्राप्त भएको छ,’ संघका महासचिव हेम राज शर्माले मंगलबार एक विज्ञप्ति जारी गर्दै भनेका छन्, ‘अत : निजहरुले आफू संलग्न संगठनबाट राजिनामा दिएको स्व : घोषणा गरी यसको जानकारी मिति २५ फेब्रअरी २०२० सम्म संघका महासचिवलाई दिनुहुन अनुरोध गर्दछु । यस मितिभित्र जवाफ नआएको खण्डमा प्रचलित बिधान अनुसार निजलाई पदमुक्त गरी कारबाही अगाडि बढाउन बाध्य हुने जानकारी गराइन्छ ।’