हामी सबैकाे संसारन्यूज

२९ माघ, हुम्ला । सरकारले तुइन विस्थापित गर्दै झोलुंगे पुलका योजना अघि सारेको दुई वर्ष भएसक्यो ।

हुम्लाको खार्पुनाथ गाउँपालिका लागि अझै विकल्प छैन । कर्णाली नदी तर्न बोक्चेगौडाका गाउँलेले तुइनकै भर पर्नुपर्छ र त्यो पनि निःशुल्क होइन, प्रतिव्यक्ति १०० रुपैयाँ तिरेर ।

सय रुपैयाँ तिरेर तुइनबाट वारिपारि गर्नेहरुले सामान ताकेता गरेवापत थप ५० रुपैया तिर्नुपर्छ । ‘पुरानो र धराप छ, तुइनबाट वारिपारी गर्दा भगवान्को नाम जप्छौं,’ स्थानीय काली विकले भनिन्, ‘पैसा नहुनेले वारिपारी गर्न पाउँदैनन् ।’

कर्णाली नदीमा बाह्रै महिना बहाव उच्च हुने भएकाले पानी छिचोलेर तर्न सकिँदैन ।खार्पुनाथका अधिकांश वडाका बासिन्दाले गाउँपालिकाको केन्द्र याङ्चु पुग्न तुइनबाट कर्णाली तर्नै पर्छ । उक्त तुइनकै बाटो भएर थाली, राया, छिप्रा र कारामलगायत गाउँका बासिन्दा याङ्चु र छिमेकी जिल्लाहरु जुम्ला, बाजुरा पुग्छन् ।बुधबारको कान्तिपुर दैनिकबाट